قريباً على منتديات التريبان وحصرياً لأول مرة ؟؟

[الشامخ]

السلام عليكم ورحمة الله وبركاته

كما هو واضح من العنوان...

قريباً على منتديات التريبان وحصرياً لأول مرة ؟؟

قصائد صوتية لشاعر سعد سلطان الجلعود "رحمه الله"

سجلها أخوكم الشامخ من الشاعر قبل وفاته بأشهر ((رحمه الله)) ولم تنشر حتى هذه اللحظة وسوف تكون حصرياً على منتديات الشامخ ومنتديات التريبان .... إذا وجدنا الترحيب سوف ننشرها لكم بهذا المنتدى الغالي علينا أسمه وبحكم الجوار بيننا سوف تكون هديه للمنتدى.


أخوكم الشامخ

[عزتـي نفسـي]

الشامخ......... تعجز الكلمات عن وصف مايدور في الصدر للتعبير عن وفائكــ فمنذ ان جأتنا وانت رمزا للوفاء والكرم ... وغمرتنا بسخائكــ يالغالي..

اما بالنسبه للقصائد الحصريه فلا اقولكــ لك الا انت كريم والدهمان يستاهلون الخير ..وننتظرها بفارغ الصبر ...ومشرف قسم الشعر سوف يهتــم بالموضوع..


دمت ودام غاليكــ بألفــ خير ..

[الشامخ]

تسلم يا سالم على الثناء واتمنى أخي الكريم تعديل التاء في العنوان إلى ((ن))

[عزتـي نفسـي]

من عيوني يالغلا..........

[التريباني]

الشامخ

يعجز اللسان عن شكرك

مجهود ان دل دل على طيب صاحبه

مشكور اخوي مره ثانية

تقبل فائق احترامي وتقديري

[مسلم الرماح]

الشامخ

شكرا لك على ما تقدمه للمنتدى وليست غريبة على البناخي .

[دهمان الشمال]

الشامخ

يعجز اللسان عن شكرك ونامل كذلك كتابتها ليتمتع بها القارى تقبل احترامي

[الدغيري]

شكرا للشامخ على مايقدمه للمنتدى .

[نايف الفريح]

الشامخ

شكرا لاهتمامك بالمنتدى وانت قدمت الكثير لمنتديات التريبان

يعطيك العافيه والله يكثر من امثالك


تقبل تحياتي

[تريباني337]

يعطيك الف عافيه

[الشامخ]

اشكر الجميع على الثناء والترحيب ... وأتمنى يعذروني على التأخير ولكن بأذن الله سوف
ننشرها قريباً إخترنا لكم هذه القصيدة بصوت الشاعر رحمه الله واسكنه فسيح جناته.

[Link nur für registrierte Benutzer sichtbar]


يقول ابن جلعــــود والنــــاس جلاّس = ماابدي كلامي لين يطلب واجيبه
واجاوب اللي قال مااسمع لك احساس = يبين اصيح بوسط حشوٍ غديبـــه
يبين اساقط ناس بالهرج تحتــــــــاس = والهرج ماله مزةٍ بالغصيبـــــــه
وبعض الملا حلقه مثل ضرب الاجـراس = مايناظر المجلس وياخذ نصــــيبه
هذاك حلقه لازمه وضــــــــع حــبّاس = هرجٍ يبّين له وهرج يغديبــــــــه
وان قيل شاعر قلت شاعـــر ولابــــاس = شعري نقي ولايجيب المعيبــــــه
شعري نقي ولايوردني الادنــــــــاس = والشعر ماكلٍ حباله تجيبــــــــه
الشعر دونه ياقفون اكثــــر النـــــاس = مثل البحر طبت عموقه صـعيبه
وكم شاعرٍ ببحور الاشعــــار غــــطّاس = وكم شاعرٍ بعض الملا تغتديبـــــه
الشعر به حكمه وعــــــزٍ ونومـــــاس = بعضه وبعضه مايصيب الضريبـه
الشعر به عالي وطـــامن ومـــــحتاس = احدٍ خذى صافيه واحدٍ سريبــــه
حكمه من الله وزعه بين الاجنـــــــاس = منهم كلامه زين ومنهم مصيبه
ناسٍ كلامه جاء محكم من الـــــــراس = مازون عن هرجٍ رديٍ يعيبـــــــــه
صافٍ مصفى در بكــــرٍ بله كـــــــاس = له قيمةٍ كل البشر تعتنـــــــيبه
فطنٍ لبيبٍ ان نظم القيل مانــــحاس = كاأللؤلؤ المنظوم ما ينحكــــــيبه
يبني بيوت موثقات على ســـــــــاس = لو راح جيله جاه من يعتنيبــــه
يكتب مع التاريخ صــــافٍ بقــرطاس = ويصور الواقع ولايعتد يبـــــــــه
هذا هواللي من هل الشعــر فـــرّا س = وهذا هو اللي لازمٍ نقتد يبــــــه
يقبل كلامه لو تردد على النــــــــاس = كالطش من رخم المزون الشـريبه
له لذةٍ تطرد عن القلب الا نحــــــــاس = كنه يحطك بأرض قفرٍ عشيبـــــــه
متخالفٍ نبته على كل الاجنــــــــاس = ريحه ينادي بالضحى ريح طيبــه
والشاعر اللي حط بالقلب هوجـــــاس = عندي وعند أهل العقول اللبيبـه
الشاعر اللي ماتلحقه الانفــــــــــاس = حطّاب ليل وتايهٍ في شعيبـــــــــه
مرٍ يجي شعره له انياب واضـــــراس = دايم يعلج وكل حي يحكيبـــــــه
مرٍ يسوّي له معارك بقرطــــــــــاس = وهو ملبدٍ من خلقته ما دريبــــه
فصّل وخاط ولبس الموتى الالبـــــاس = زودٍ على الحيين يصلى لهيبــــه
لاخاف من ربه ولاعنده أحســــــــاس = ولايعرف الغاديه والمصيبـــــــــه
الله يكافينا هل السوء والانـــــــجاس = ومن لايخاف الله ربي حسيبــــــه
وصلاة مني عد ماهب نسنــــــــــاس = اوعد ما اومى بالنخيل ورطيـبه
على نبيٍ سنته مالها أجنــــــــــــاس = ماتاه من عرفه ومن يقتد يبــــــه

[النوماس]

ألف ألف ألف شكر لك تسلم اخوي على نقل القصيده والمجهود الرائع