ديوان عومان بن غصن رحمه الله .

[الدغيري]

بسم الله الرحمن الرحيم

نود أن نعرض في هذا الديوان جميع قصائد عومان بن غصن رحمه الله بشرط أن تكون مرتبة

ومنظمة . شكرا لكم إخواني.

[الرماحي]

اخي الدغيري فكره جميله وموفقه باذن الله وهذا هو اقل الواجب لحفظ موروث الاولين

اتمنى لك التوفيق

[الدغيري]

عومان ابن غصن من شعراء التريبان ويضرب فيه الامثال في الشرف والرجوله وهو من الرجال اصحاب الكار اللى لياشب ناره تجمعت الرجال عنده فكان يسكن بلينه في مقطان البوادى وخلصت عنه القهوه وهو رجل ضعيف الماده فذهب الى سوق لينه ووجد هناك اصحاب المحلات من اهل المشهد يبيعون القهوه في لينه فقال بيعوا اى صاع فقال لازم بالوزنه (الخيشة) فكان بانتظار الحدرات التريبان (اللى يجيبون الارزاق للتريبان من العراق فكل واحد معروف انه يمر بيت عومان ويعطيه هديه لانهم اصحابه وجماعتة فلما رجع على رجلية من سوق لينه على بيتة وجد جاره ابن دحيلان من شمر وشب النار في طريق عومان ورفع كاسر البيت (الكاسر هو رواق البيت علشان الناس تشوف القهوه والنار وتاتى الضيوف)
فقال عومان هذه القصيده وهو مقبل عاى جاره وكسبها الجار مدح له





بيعـو على يـامقسـمين الوزانـــى ................ لكم مثل وزنى لياجت غنيمـه
ياقفرت منها ماقضبنى مكانــــى ................ مثل البعير اللى بدارن وخيمه
وانقد على نفسي بكثر إمشيانـى............. ... والنفس مذكور هواها خصيمه
ياحلو شبة نارهـــــــا بالبيانــى ................. ياحجلت ناس تقهوى حريمــه
نصيت منهو ضوء نـاره دعـانـــي ............. ....ياشب ناره جيت بليا عزيمـه




القصة والقصيده اطول من ذلك لكن هذا اللى تمكنت من كتابتة لكم


ودمتم

[أبوفيصل التريباني]

[Link nur für registrierte Benutzer sichtbar]

هذي قصيدة الشاعر عومان بن غصن رحمة الله عليه ..

عن القهوة التي كتبتم منهااا أبيات قليلة ..

وأنا هنا اكتبها كاملة ( والكمال لله سبحانه ) :

البارحــة نــوم المــلا ماهنــانــــــي............والعين يابن خضــير ماهــي بنيمه
هـــذا زمان (ن ) للنشامى وهاني............شـره على اللـي يبــعدون الهزيمة
يــمهنبــه الطيــب بعيــد المـدانــي............يكرم بـه العفــن البخيــل اللــخيمه
ويقــلط على المركى كثير الحلالي............ومجالســه جيــاب حكــي النميمة
ومن لامعـه شي ( ن) فلاهو بغالي............تمضــي حياته عند ربعه سقيمة
يقفـــرت منهــا ماقضبنــي مكانــي............مثل البعير اللي بدار (ن) وخيـمة
وشــربي لهــا عنـد العرب ماهناني............الكـبد تلــظى والضمــاير مــحيمة
يــــــازيـن شبـة نارهـــا بالبيــــانــي............ياحجلة نــاس (ن) تقهوي حريمة
بيعـــوا علـــي يامقطعــــين الوزاني............على رجا رب (ن) يعيش البهيمة
لكـم الكثــير وحـقــي اللـي وزانــي............بميزانكـــم ياكاسبيـــن الغــنيــمة
نصيــت أنــا مــن ضــوح نـاره دعاني............ياشبــهــا ناتــي بليــا عــزيمــة
نصيــت أبوعمــاش عـــذب الأوانــي............ياشــوق مــن قرنه تقطش بريمة
يســكت ولاوده بكشـــف الحــــوالي............والحــال كشــاف الســراير عليمة
.
.

[الرايس]

شكرا أخي الدغيري وأبارك لكم هذا المنتدى ...وسوف أخصكم بهذه القصيدة لعومان بن غصن رحمة الله واعدكم بأن اتواصل معكم اذا سمح الوقت

هذه القصيدة قالها حينما توفيت زوجته

هنيت قلب ن للغلا مايداني
ولاصفقت به رابعة ولعبت به
دنياك ماذكر له صديق ن وداني
على القبايل كل بيت ن هوت به
تودعك لو انك صعب مرجعانيي
ماهي بحالك ماخذت مارجعت به
ماتشوف منزل صاحبي له زماني
واليوم مخلي تقل مادوجت به
ياشفت انا مكانه الشر جاني
ولا تقل حسنة الخلايق وطت به
بيحت انا المكنون والهرج باني
ولا انام لو ان العرب سولفت به
نصحت قلبي والمهباء عصاني
والعين من كثر البكاء حرقت به
اشوف صدري ضايق ومتداني
من يوم حطت باللحدواركيت به
صغيرة السرجوف حبه كواني
وقلبي معه يم المقابرغدت به
بنت الشيوخ ومنزله بالبياني
ويشوش لامن الركايب لفت به

[الدغيري]

هذه الأبيات قالها عومان بن غصن رحمه الله بمناسبة بداية غلاء المهور وذبح الإبل في العروس , وإن كانت في ذلك الوقت لاتشكل مشكلة ولكنها
بداية لتكون مشكلة .

تقولون علينا الدنيا تغـــيره ********** هذه أيامه وهذه ليــاليــــها
غياره أنتم يامفرحة العـداء ********** عن سلمنا جبتم سلـوم فانيـه
أول فوايدكم لنا بيعة النساء ********** بيعة حـــــرام ولا بيـعةطايلـة
اقتضبتم الله يامسوية الفداء ********** وتقولون ياعقايل الله عقايلـــه
فعلتم فعول مافعلهـن نبيكـم ****** مثل الجواد اللي عـن ألمي عائله
ذابحين الإبل علشان عرسكم ********** صيورم الدنيا عليـكم مائلــــــة
يستاهل ذبح الإبل ابن سعود ********** اللي تعيش الناس من فضايله
أو مثل قصاب يبيع ويشتري ********* سلم العرب والناس تعيش عوائلـه
أغليتم الدنيا وتركتم الحياء ********** لابد من الدنيا عن الناس(ن)زايله
لاتامن الدنيا لو لك تزينت ********** الدنيا لو زان أولـــه شــان تاليـــــه
قنعتم بالعرايا وقطعتم الرحم ********** وجوزتوا رجال ماتعرفون أصايله
يوم الرجال كما الزمل للحمل ترتكي **** للشيل اليا حطت عليها مشايله
اللي مراجلهم على اللين والقسى ****** راحت كما مزن تقافي مخايله
ياسامعين القول صلوا على النبي ******* إعداد ماهل المطر من مخايله

[الدغيري]

هذه من قصائد عومان رحمه الله بالقهوة .....

شبوا لنا يأهل الدلال الجديــــــدات
ياعيال يالي توكــم طايبينــــــــــــي
من الحب حطو بطحت واقصروا مـاه
البخل مايصلح مع الغانمينــــــــــي
والطيب ماهو من بغـى الطـيب يلقاه
عسر طريقه مايجيـــه البخيلـــــي
خطو المكافح مايشب المهبــــــــاه
ولايشتهي شبـه عل كـل حينـي
ياشب ناره نوبـــــة عقـــب ويـــــلاه
من البخل يودع حمسته حمستيني
تحيزمولها واصبر للخســـــــــــارات
تصبروا والله مع الصابرينــــــــــــي
حنا صبــرنا يوم هــي للحــــــلاوات
يوم هي ماتلقى بالقطينـــــــــــي
واليوم ماله مـــــزه لـو شغلانــــــه
الليا صارماشرابته مضرمينـــــــي
اليوم يالاخـــوان شفـــــــت الهوالات
تشرب كما شرب اللبن من صميلي
أشوف أنا ناس تعدل علــى مــــاه
البكر يمثل عندهم والثميلــــــــي
والبيض حطن بالمرابيع مقهـــــاه
فنجال شاي وخالطه دارسينـــي
حطن على رؤس الأصابيع كاسات
يعل ضـــــده فايت ياضنـينـــــــــي
من الخيــر حتـى لاعبـين الحويدات
تسمع صليل نجورهم بالبطينــي
حطوا دلال بالمـرابيــــــع المبـنـاه
صارت لهم واجده على المقدميني
الشكـــــر للمعبــود والحمــــد لله
والله لايغيــر على المسلمينــــي

[الدغيري]

قصة وقصيدة لعومان بن غصن رحمه الله ...

وضع عومان رحمه الله دلاله عند حائك الدلال في حائل( وهو الشخص الذي يقوم
بإصلاح الدلال وربها ) لكي يربها له وعندما حان وقت أخذ الدلال فوجئ أن المبلغ
الذي معه لايكفي لسعر الدلال فرفض هذا الشخص إن يسلمه الدلال حتى يكتمل
المبلغ فترك عومان الدلال وذهب إلى أعيرف وهو جبل في شرقي حائل فجلس فيه
بعض الوقت ثم ذهب إلى السوق فوجد جماعة من اهالي حائل مجتمعين فسأله أحدهم
وكان يدعى فراج وهو صاحب دكان بالسوق من أين أتيت ياعومان . قال أتيت من
أعيرف . قال له وماذا قلت من القصيد فأسمعهم عومان القصيدة . قال عومان
دلالي عند فلان ومنعني منهن لأنه بقي له بعض المبلغ فقال فراج لولده صالح إذهب
إلى فلان وأعطه المبلغ وأحضر دلال عومان وأعطاه هيل وقهوة ووضعها على راحلتها
وهذه أبيات من القصيدة .. ..
يقول عومان

نطيت راس اللي ترب الشياهين=وقمت أتفكر مثل طير النعامــه
قلبي تشوّح مثل دلو الشواطير=وضرب طريق مائل عسر مقامه
اشوف الزمان وباينٍ له نياشين=وأشوف انا دنياً كثيــرٍ عسامــــه
اشوف انا كل الربوع متوازين=وكل ركب حتى العقيلي مسامــــه

إلى أن قال ..

حتى التجار مرجّحين الموازين=لـو كــان دنياهم كثيــرٍ حطامــــــه
ودنياك شوفوا نقصها بالدنانير=حتى الخزون ربك أمر بانقصامــه
ومن جا عميله قال انا حالفٍ دين=ياصار راع الطيب يجزى ندامــه
يادلتي ودي معي لو تروحين=زولك يونسني عد عندي جهامـــه
ياعنك ماشربي له مع الناس مجزين=ياكود اسوي طبخة في تمامه
يادك في داكوك والناس نيمين=حور فت باللي حب صنعا طعامه
ياحلو شغلي له على كل ابو حين=اليا قله للعفن البخيل الخمامه
ياحلو اليا زيّنت زينٍ على زين=زد بها ليامن ازرق الهيـــل ضامــه
وياحلو اليا جونا الربوع متلافين=ربــعٍ دعتهم نارنا يــوم قامـــــــه
واشغل بها لو الرجال متقهوين=واحب شغلها والسوالف ايدامه
مار البلا قله على اللي مقلين=اليا صار عنا نية الخيـــر شامـــه

[الدغيري]

هذه القصيدة من قصائد عومان بن غصن رحمه الله جاراها عدد من الشعراء منهم
الشاعر فرحان بن سعيد العلياني رحمه الله ...
المعلوم منها هذا البيت :

ياعنك ياكـــثر القهاوي تقهـــــوين
ياكود أسوي خاثر من سواتــــــي
ياكود أسوي خاثر يصبغ عل العين
لاقــيل حــرقـان ولابه نياتــــــــــي

[الدغيري]

هذه من قصايد عجلان ابن رمال والمعلوم منه هذا البيت :

ياقيس قم لأمك عسى ماتقوم **** حيث صغير وتفهم العلم ياقيس


ورد عليه كل من مضحي الوحير وسوف نضعها في ديوانه .
ورد عليه عومان بن غصن وإليكم القصيدة

يقول عومان :
قيس نجــد مشطــه بالعطــوري
وشامت لشــيخ جايب له شـراياه
حضر جهازه والجمــل ولخصـوري
واركع الجموع اللي تعمل الهوالاة
ورحنا فضيض مثل جول الطيوري
يامــا جيــنا ديرة جــاري مـــــــــاه
وش عــــاد لو انه تدارج نهـــــوري
ياقيس مسقانا على الكبد مـاذاه
وجينا على زمان به تضيع الفكوري
يذبح به المسلم مثل ذبحت الشاه
ولولا أخو نورة كان مابه سـفوري
وشــيخ ماهاب العــطاء والحـيلاه
شيخ قديم له بماض العـــصوري
جابه بحد الســيف ومابه مراواه

[الدغيري]

شكرا لكل من ساهم في قصائد عومان بن غصن رحمه الله و وضع قصيدة في
ديوانه وشكر خاص لأحفاد عومان على موافاتنا بقصائده .

سوف يكون الديوان من غير ردود ومن لديه قصيدة لعومان وضعها هنا
ولكم خالص الشكر والتقدير .
الدغيري .

[الدغيري]

بسم الله الرحمن الرحيم
السلام عليكم ورحمة الله وبركاته
قصيده المرحوم عومان ابن غصن التريباني وسبق ان نشر بعضنأ منها حسب مايعرفه الناشر مشكورأ وهو الاخ العضو الدغيري 0 ولكم كامل القصيده والتي قالها قبل 52سنه تقريبأ لكم القصيده
1= تقولون الدنيا تغيرت ماتغيرت
هاذي ايامه وهذي لياليه
2= غياره انتم يامفرحت العدا
عن سلومنا جبتم سلومن فاينه
3= اول فوايدكم بيعت النساء
لاقول حرام ولابيعهن طايله
4= اغضبتم الله يامسويت البدع
ونقول ياعقايل الله عقايله
5= فعلتو فعول مافعلهن نبيكم
وصف الجواد اللي عن الدرب مايله
6= ياذابحين البل على(شان) عرسكم
صيور مالدنيا عليكم مايله
7=يستاهل ذبح البل ابن سعود
اللي تعيش الناس بفضايله
8= والاابن مهيد مصوت بالعشا
اليا ركبت عسر السنين سحايله
9= والاقصاب يبيع ويشتري
بسلم العرب والناس تعيش حمايله
10= اغليتو الدنيا وتركتم الحيا
ولابدللدنيا عن الناس زايله
11= لاتامن الدنيا لولك تزينت
لوزان اولها شان تاليه
12= تركتو العاني وقطعتم الرحم
وجوزتو ناس ماتعرفون اصايله
13= اشوف راع الطيب يجزى بالردى
وراع الردى يمدح على فعايله
14= وشوف من ناسب نسيب طالبه
ومن طالبه عسى توخذ رحايله
15= وشوف الولد يقول لبوه انفهق
وسكت ولو شاف نجوم القايله
16= ويامر على أمه كنها زوجتن له
ويقول امشي علني يافاينه
17= اللي يريد الخير يكرم والده
ولابد من قبرأ طوال نثايله
18= راحو هل المعروف والطيب والثنا
وين الرجال اللي تعدد مثايله
19= وين الرجال اللي كما الزمل للشيل ترتكي
ترتكي اليا حطت عليها مشايله
20= اللي مراجلهم على اللين والقسا
راحو كما مزن تقافت مخايله
21= اختلفتو انتم يامشاورت النسا
وترو المره مايسنعنه دلاايله
22= وياسامعين الصوت صلوا على النبي
اعداد ما هل المطر من مخايله
__________________________________________________ ______ نرجو من اخواني الاعضاء تصحيح اي خطاء حصل مني في كتابتها والمعذره من القصور تقبلو تحياتي

هذه القصيدة أتى بها العضو متروك
ألف شكر لمتروك .

[مشعل العسام]

رحمك الله يابوسايرواسكنك فسيح جناته وشكرا لمن احا تراثه فهو يستحق ذالك لانه جمع بين الشعروالحكمه والكرم الطبيعي الذي لايخالطه كبرولاسمعه ولاتصنع فلك مني أجمل تحية . اخوك مشعل التريباني