من المسؤووووووووووووول؟؟

[بنت التريبان]

برايكم من المسؤل عن ميزانية المنزل خصوصا مع موجه الغلاء الزائدهل هو الرجل ام المراءه؟
ومن اكفأ ان يديرها؟
يالله ياحيي نبي حلول عشان نواجه هالمشكله.:sm112:

[من الربع]

من وجهة نظري المتواضعة وعلى قد عرفي وسؤال الجيران وعمل استفتاء بالحاره تبين لي ان المسعول الأول الشغالة والمسعول التالي الجيب واصرف مافي الجيب يأتيك مابلغيب ... يعني بغيت خبز طير للبقاله وجيب .. بغيت جبن اركض وجيب وخل الشغله سردادي مردادي .. يعني بصراحه ماني من اهل الميزانيات .

وازيدك من الشعر بيت جاري اللي بجنبي يعطي الراتب كله لصاحب البقاله مقابل ياكل ويشرب الي آخر الشهر .. لا .. ويقوله البنقالي صديق انته ياكل اكثر من راتب لازم يسوي رجيم ..

[متروك]

بنت التريبان مشكوره على عرض هذا الموضوع ؟؟ موجه الغلاء لامفر منها ولايمكن تحديد ميزانيه شهر لان موجه الغلآء غير ثابته كل يوم طالع لك سعر جديد وعلي هاالمسحوب الله يعين مسولية الجميع عذرأ أذا خرجت عن الموضوع وشكرأ

[دهمان الشمال]

بسم الله الرحمن الرحيم


اختي الغاليه بنت التريبان

ان هذا الموضوع كثر فيه النقاش

والحلول معرفه

(ربع(ن) تعاونوا ما ذلو )وانا اخوكِ اذا كانت الزوجه موظفه وش فيها اذا ساعدت شريك حياااتهااا
وراح تنحل مسألت الغلاء بسهوله
و راح تكسب راحت البال


وبكذا تكون المسؤليه مشتركه بين الاثنين في المواجه

ومشكوره اختي ويعطيكِ العافيه على هذا الطرح

[بنت التريبان]

012.gif
شاكرة لكم مروركم

[مزيون الغافل]

انا من وجهة نظري اذا فيه مسئوليه فهي تنكب على الرجل لان الحريم من وين لهم الغالب منهم ربات منزل قليل الموظفه .
وجهة نظر وتقبلو مروري.
دمتم بود

[عيون بغــداد]

بالشرع و القانون الرجل هو المسؤول عن النفقة والميزانية ..

لكن مافيها شي لو الزوجة الموظفة أو الأخت الموظفة إنها تساعد أهلها لو بأبسط الأشياء ..

ويسوون مثلاً جدول ويتقاسمون الميزانية والمهمات .. وبهذه الطريقة واحد يساعد الثاني ..

والحيــاة مشاركــة ..

ومشكورة بنت التريبان على الموضوع

[من الربع]

فكرت وحللت وتذكرت وخرجت بالنتيجة التاليه : ان مسؤلية ادارة ميزانية المنزل تقع على المرأة... طبعا اذا كانت تقهم ,, اما موضوع المشاركة في الميزانية فأنا ضده .. المرأة منتها قشرا .

[د.سعود العايد]

مجرد وجهة نظر ؟؟؟؟
المسئول الاول والاخير عن مستلزمات البيت وتوفير المعيشة الجيده هو الرجل
حتى لو كانت زوجتة موظفه ولديها دخل جيد بل في بعض الاحيان يفوق دخل الزوج
ولكن من الممكن ان تساعد الزوجه زوجها على المعيشه
غير مجبره بل من اختيارها

بنت التريبان تشكرين على التميز في المنتدى

[بنت التريبان]

يبدو انكم مافهمتوني انا قصدت الميزانيه مش النفقه يعني وش الخطه اللازم وضعها للبيت ومصاريفه ومن اللي يخطط لهذا الشئ

[( المبــدع )]

في البداية الف شكر لك اختي بنت التريبان على طرح مثل هذا الموضوع

والله انا برائيي الشخصي بأن الكل مسؤول ( اخس يالفاهم 049.gif )

اولاً لأن الزوجه او الكثير من الزوجات غير موضفات يعني مايجيهم دخل وهالشي يمنعهم بعض الشي من المسؤولية
ثانياً دائما نجد ان الي عنده الميزانية او الدفيع زي مايقولو :sm101: الزوج فهو الي تقع عليه المسؤولية الكبرى
ولاكن الزوج مايعرف وش ينقص من اغراض للبيت مثل سوالف المطبخ ووووالخ
فالشيء هذا يعطي الزوجة مسؤلية الأختيار وعدم التبذير والمهايط الي ماله داعي ( مسوي فاهم):n200642:

وبالأخيـــــــــــــر نجد ان المسؤلية تكون مشتركه بينهم

من ناحيــة الكفاءة ( احم احم ) اكيد الرجل لأنه بالغالب يكون هو الي يصرف على البيت

من ناحية الخطط والمخطط فهذي طبعاً عندنا ( طبعاً أغلبية الشعب ) ماراح تمشي تدرون ليش؟
لأننا غيــر بعض الأخوان الي بالدول الأخرى وركزوا على كلمة بعض ( ليس من باب التقصير )

حنا اذا جاء الضيف لازم تذبح له (:n200642: )
وطبعاً اذا تقضيت للبيت شيل بالجمله ووووووووووووالخ
كذا لا ينفع لاخطة ولاهم يحزنون

متشكرين الأخت بنت التريبان على طرح هذا الموضوع

[الوااايلي]

اناء اقول افضلهم تصرف يكون مسؤل عن مصروف البيت وغالبن مايكون الرجل لانه هوالي يروح ويجي ويعرف الاسعار والامهم من الي اقل اهميه واخيرا تقبلي مروري

[من الربع]

في البداية الف شكر لك اختي بنت التريبان على طرح مثل هذا الموضوع

والله انا برائيي الشخصي بأن الكل مسؤول ( اخس يالفاهم 049.gif )

اولاً لأن الزوجه او الكثير من الزوجات غير موضفات يعني مايجيهم دخل وهالشي يمنعهم بعض الشي من المسؤولية
ثانياً دائما نجد ان الي عنده الميزانية او الدفيع زي مايقولو :sm101: الزوج فهو الي تقع عليه المسؤولية الكبرى
ولاكن الزوج مايعرف وش ينقص من اغراض للبيت مثل سوالف المطبخ ووووالخ
فالشيء هذا يعطي الزوجة مسؤلية الأختيار وعدم التبذير والمهايط الي ماله داعي ( مسوي فاهم):n200642:

وبالأخيـــــــــــــر نجد ان المسؤلية تكون مشتركه بينهم

من ناحيــة الكفاءة ( احم احم ) اكيد الرجل لأنه بالغالب يكون هو الي يصرف على البيت

من ناحية الخطط والمخطط فهذي طبعاً عندنا ( طبعاً أغلبية الشعب ) ماراح تمشي تدرون ليش؟
لأننا غيــر بعض الأخوان الي بالدول الأخرى وركزوا على كلمة بعض ( ليس من باب التقصير )

حنا اذا جاء الضيف لازم تذبح له (:n200642: )
وطبعاً اذا تقضيت للبيت شيل بالجمله ووووووووووووالخ
كذا لا ينفع لاخطة ولاهم يحزنون

متشكرين الأخت بنت التريبان على طرح هذا الموضوع


ماشالله عليك ... وش اللي يرفس بالصحن .:sm258:

[القصير البصير]

بصراحه يابنت التريبان في ظل الكرم الزائد عند بنات اليوم لابد يكون المسؤول عن

وضع الميزانيه هو الرجل لا ن المراءة بمشوار واحد فقط للسوق راح تروح الميزانيه

بخبر كان

[النوماس]

المسؤول الاول والاخير الرجل لان اغلب النساء لايوجد عمل لديهن

[فهيد مطر]

بنت التريبان مشكورة على إثارة هذا الموضوع ، من وجهة نظري الشخصية أن المسئول عن إدارة ميزانية الأسرة هو الرجل سواء كان الأب أم الزوج أو الأخ ، وهو الذي يتحمل إدارتها بالكامل وقد يحسن التصرف أو قد يسئ التصرف ، ولكن قد تطراء على حساب التكاليف ظروف تؤثر على التخطيط المسبق وقد يكون السبب أحد أفراد العائلة أو قد يكون سبب خارجي ... شكراً لك .